Հ Հաշիվ · Balance Sheet

Գաղտնիության քաղաքականություն

Սույն քաղաքականությունը նկարագրում է, թե «Հաշիվ» բջջային հավելվածը (այսուհետ՝ «Հավելված») ինչ տվյալներ է հավաքում, ինչպես է դրանք օգտագործում և պաշտպանում։ Հավելվածի օպերատորն է «Բելենս Ըքաունթինգ» ՍՊԸ-ն (Balance Accounting LLC, ՀՎՀՀ 01089909, ք. Երևան, Ավան-Առինջ, 2-րդ թաղամաս, շենք 1/76), որը գործում է «Balance Sheet» հաշվապահական գրասենյակի ապրանքանիշով։

Հավելվածը նախատեսված է գրասենյակի հաճախորդ ձեռնարկությունների ղեկավարների համար՝ իրենց հաշվապահական ցուցանիշները դիտելու նպատակով։ Տվյալները հավելված է մուտքագրում գրասենյակի հաշվապահը՝ հաճախորդի անունից, իսկ հաճախորդը դրանք միայն դիտում է։

1. Ի՞նչ տվյալներ ենք հավաքում

• Նույնականացման տվյալներ՝ հեռախոսահամար (մուտքի կոդով ՝ OTP, նույնականացման համար) և անուն-ազգանուն։
• Հաշվապահական տվյալներ (մուտքագրվում են գրասենյակի հաշվապահի կողմից)՝ ձեռնարկության շրջանառություն, հարկեր, աշխատավարձ և աշխատակիցների տվյալներ (անուն, ՀԾՀ, ծննդյան տարեթիվ, պաշտոն, աշխատավարձ), դեբիտորական/կրեդիտորական պարտքեր, վարկեր, շահույթ, ինչպես նաև հաշվապահի վերբեռնած փաստաթղթեր։
• Տեխնիկական տվյալներ՝ push-ծանուցումների սարքի նույնացուցիչ (token), հավելվածի տարբերակ։ Եթե մուտքի կոդերը ստանում եք Telegram-ով՝ ձեր Telegram-ի chat-ի նույնացուցիչը։

Հավելվածը չի հավաքում ձեր գտնվելու վայրը (GPS), կոնտակտները, լուսանկարները կամ տեսախցիկի տվյալները, և չի օգտագործում գովազդային նույնացուցիչներ։

2. Ինչպե՞ս ենք օգտագործում տվյալները

• Հաշվապահական վահանակ (dashboard) և հաշվետվություններ տրամադրելու համար։
• Մուտքը նույնականացնելու համար (հեռախոսահամարին ուղարկվող միանվագ կոդ)։
• Ծանուցումներ ուղարկելու համար (օր.՝ հարկի կամ աշխատավարձի վերջնաժամկետ, նոր փաստաթուղթ)։
• Սպասարկման և տեխնիկական աջակցության համար։

3. Իրավական հիմքը

Տվյալները մշակվում են հաճախորդի հետ կնքված հաշվապահական ծառայությունների պայմանագրի կատարման, ինչպես նաև ՀՀ հարկային և հաշվապահական օրենսդրությամբ սահմանված պարտականությունների կատարման նպատակով։

4. Տվյալների փոխանցում երրորդ անձանց

Մենք չենք վաճառում ձեր տվյալները և չենք փոխանցում երրորդ անձանց գովազդային նպատակով։ Ծառայության աշխատանքն ապահովող մատակարարներ՝

• Hetzner (Գերմանիա, ԵՄ) — սերվերի և տվյալների պահեստավորում։
• Google Firebase Cloud Messaging — push-ծանուցումների առաքում։
• Telegram — միայն եթե ընտրել եք մուտքի կոդերը ստանալ Telegram-ով։

5. Տվյալների պահպանման ժամկետ

Հաշվապահական գրառումները պահպանվում են ՀՀ օրենսդրությամբ սահմանված ժամկետներում։ Ձեր անձնական մուտքն ու հասանելիությունը կարող են դադարեցվել ձեր պահանջով կամ հավելվածում հաշվի ջնջման միջոցով (տես՝ բաժին 7)։

6. Անվտանգություն

Տվյալները փոխանցվում են գաղտնագրված HTTPS կապով։ Հասանելիությունը պաշտպանված է նույնականացմամբ և դերերի վրա հիմնված մուտքի վերահսկմամբ (հաճախորդը տեսնում է միայն իր ընկերության տվյալները)։

7. Ձեր իրավունքները

Դուք իրավունք ունեք ստանալու, ուղղելու կամ ջնջելու ձեր անձնական տվյալները։ Հաշիվը/տվյալները ջնջելու համար կարող եք դիմել մեզ ստորև նշված կոնտակտներով կամ օգտվել հավելվածի հաշվի ջնջման հնարավորությունից։ Նկատի առեք, որ օրենքով պարտադիր պահպանվող հաշվապահական գրառումները կարող են պահվել անհրաժեշտ ժամկետում՝ անգամ հաշվի ջնջումից հետո։

8. Երեխաներ

Հավելվածը նախատեսված չէ երեխաների համար և ուղղված չէ 16 տարեկանից ցածր անձանց։

9. Փոփոխություններ

Մենք կարող ենք պարբերաբար թարմացնել սույն քաղաքականությունը։ Փոփոխության ամսաթիվը նշվում է էջի վերևում։

10. Կապ

«Բելենս Ըքաունթինգ» ՍՊԸ (Balance Sheet)
Էլ. փոստ՝ bsheet.app@gmail.com
Հեռ.՝ +374 99 37 55 11 (Երևան, Կոմիտաս 49) · +374 96 37 55 11 (Ալավերդի, Թումանյան 61/6)